Të gjithë subjektet fizike dhe juridike që operojnë në zonën e plazhit dhe me gjerë duhet të marrin masa për sigurimin e skuadrave dhe mjeteve për parandalimin dhe për fikjen e zjarreve.<br /> <br />Kështu ka deklaruar Fatmir Tare, specialist në policinë për mbrojtjen dhe shpëtimin ndaj zjarrit.<br /><br />Deklarata e Tares është bërë pas përfundimit të një mësimi tregues në shkollën e mesme profesionale "Beqir Cela" në Durrës ku nxënës të shkollës kanë improvizuar veprime në terren pas rënies së zjarrit në katin e dytë të shkollës së tyre.<br /><br />Drejtori i shkollës Beqir Cela Fatmir Merkuri është shprehur se mesime të tilla praktike ndikojnë pozitivisht në aftësimin praktik të nxënësve për të qenë të gatshëm në raste të tilla emergjente.<br /> <br />Pas mësimit tregues me nxënës të shkollës së mesme drejtoria e PMNZSH pritet të nisë edhe trajnimin e personelit të hoteleve në zonën e plazhit.
