Katër automjete janë përfshirë në një aksident rrugor pasditen e sotme në autostradën Durrës-Tiranë, në afërsi të mbikalimit të Rinasit.<br /> <br />Makinat janë përplasur njëra pas tjetrës, fatmirësisht pa shkaktuar të lënduar.<br /> <br />Shqiptarja.com ka siguruar një video vetëm pak minuta pas aksidentit, ku makinat duken të bllokuara njëra pas tjetrës në autostradë, ndërsa qarkullimi i mjeteve të tjera kryhet me vështirësi.<br /> <br />Por ky nuk ishte aksidenti i vetëm në autostradën që lidh Tiranën me Durrësin, pasi dy makina të tjera janë përplasur në afërsi të një qendre tregtare.<br /> <br />Autostrada Tiranë-Durrës ka qenë e mbingarkuar gjatë ditës së sotme, pasi kanë qenë të shumtë qytetarët e Tiranës që kanë zgjedhur të kalojnë të dielën buzë detit në Durrës.
