Kryeministri Rama e quan 18 qershorin një rrugë pa kthim për mazhorancën dhe rrugën europiane të vendit, ndërsa thotë se Partia demokratike ka mbetur vetëm dhe pa asnjë mbështetje në përpjekjen për të bllokuar zgjedhjet.<br /><br />?Bllofi i PD-së me idenë e marrë se po nuk hyri PD-ja në zgjedhje Shqipëria do kthehet mbrapa e do mbetet vetëm nuk ka funskionuar as brenda dhe as jashtë vendit jo e jo. Jashtë vendit PD-së i janë prerë të gjithë kontaktet serioze. Lidershipi i asaj partie ka humbur të gjithë miqtë dhe partnerët dinjitozë të Shqipërisë, përfshirë dhe miqtë seriozë të së djathtës europiane që nuk e kanë lënë PD kurrë në baltë. Askush nuk merret më me PD-në.?<br /><br />Kryeministri thotë se çadra e opozitës nuk e ndal dot afrimin e Shqipërisë me Europën, duke shtuar se shanset për gjetjen e zgjidhje janë zbehur.<br /><br />?PD-ja i ka të gjitha shanset të mos kthehet nga rruga e vetëshkatërrimit të saj por s?ka asnjë shans të vetëm as të bllokojë zgjedhjet as vettingun, as rrugën evropiane të Shqipërisë pas 18 qershorit. Me shumë keqardhje them se fija e shpresës që PD të kthehet në rrugën e arsyes, të zhbllokojë vettingun, të votojë bashkë me ne reformën zgjedhore, të përcaktojë një zëvendës/kryeministër dhe tre zëvendës/ministra në pika kyçe dhe kompetenca të plota, është një fije shprese e padukshme.?<br /><br />Kreu i qeverisë e quajti shtyrjen e zgjedhjeve në Kavajë një shans të humbur për Partinë demokratike t?i kthehej dialogut, por sipas tij frika nga reforma në drejtësi mban të ngujuar në çadër krerët e PD-së./Tv Klan
