Shpresa Lekiqi, njihet në Shkodër me nofkën ?tezja e PS?. Ajo është socialiste e flaktë, që në vitin 1991. Shpresa tregon, se në tetor 2016 i ofrohet punë si sekretare në degën e PS Shkodër nga kreu i kësaj dege Arvit Osja. Por muajt e fundit nuk u pagua dhe u hodh në rrugë. Pasi nuk e zgjidhi dot në nivel lokal problemin e saj, Shpresa iu drejtua ministrit Ditmir Bushati, në cilësinë e koordinatorit të qarkut. Përgjigja që mori, ishte të kish durim. Në ballafaqimin e Shpresa Lekiqit me kreun e PS Shkodër Arvit Osja, ky i fundit thotë, se në parti janë të gjithë vullnetarë. Por ai nuk shpjegon, as përse është paguar më parë dhe as përse sot, në të njejtin vend paguhet dikush tjetër.<br /><br />?Në vitin 2015, kur kemi dalë nga Pallati i Sportit, Rama më ka tërhequr nga turma e njerëzve dhe kam dalë në fotografi, gati duke u rrëzuar, duke u përqafuar me Ramën.?<br /><br />Shpresa Lekiqi ka luajtur një rol shumë të rëndësishëm në Partinë Socialiste në Shkodër, pasi ka qenë anëtare e komisionit pothuajse në të gjitha zgjedhjet, prej vitit 1991 deri në 2013 dhe anëtare e Forumit të Gruas Socialiste. <br /><br />?Unë iu drejtova emisionit ?STOP? pas një lodhjeje të madhe që pata me ministrin, direkt me kryetarin e Partisë Socialiste, Arvit Osja. Mbeta e fyer sepse në Tetor 2016 në një takim me gratë e PS, ku ishte zonja Olta Xhaçka, kryetari më ndalon dhe më thotë që do isha sekretare e tij në Marrëdhënie me Publikun. S?kam asgjë personale me kryetarin, por ajo që më vrau është pse unë nuk u pagova, kur kishte persona të tjerë që paguheshin. Unë nuk jam paguar për Shkurtin, Marsin dhe gjysmën e Prillit. Ditmir Bushatit i kam thënë hajde në tavolinë me kryetarin të t?i them të gjitha, por ai më tha që ka folur me Arvitin dhe do e zgjidhte ai. Më thoshte s?kam, por kur s?ke, këta të tjerët si i paguan??<br /><br />Shpresa, si provë për punësimin e saj si sekretare në degën e Partisë Socialiste në Shkodër, tregon mesazhet që i ka dërguar në telefon ministrit Bushati sepse nuk kishte kontratë pune, në të cilat ai i ka thënë të ketë durim, pasi nuk ka kohë ta takojë.<br /><br />Gazetari i emisionit ?STOP? së bashku me Shpresën iu drejtuan degës së Partisë Socialiste në Shkodër për të pyetur kryetarin Arvit Osja se pse nuk është paguar Shpresa për punësimin e saj si sekretare në këtë degë. Osja shprehet se Partia Socialiste nuk ka sekretare me pagesë, duke mohuar edhe mesazhet që janë shkëmbyer mes Shpresës dhe Bushatit, e se të gjithë janë vullnetarë. Për sa i përkët, pagesës së saj në muajt e kaluar, thotë se e kanë bërë vetën për ta ndihmuar.<br /><br />Shpresa ? Pse e mohove ti që i ke paguar njerëzit? Mos ik! Pse ikën?! Ti i ke paguar 700 mijë lekë (të vjetra) në muaj asaj.<br /><br />Gazetari ? Është e vërtetë?<br /><br />Kryetari ? Jo, jo.<br /><br />Shpresa ? Lekët deri më një dua unë, asnjë minutë nuk fal. Do të thërrasim policinë! S?keni ku ikni, në Shkodër do jeni!<br /><br />Arvit Osja largohet, duke refuzuar t?i kthejë përgjigje militantes më të flaktë të Partisë Socialiste për të drejtën e saj.
