Pas lajmit për arritjen e marrëveshjen Lulzim Basha dhe Edi Rama u fiksuan nga kamerat në një shtrëngim duarsh miqësor dhe më pas kryetari i PD u drejtua për në çadër, ndërsa kryeministri u largua mes protestuesve për te vila qeveritare ku ndodhej makina e tij.<br /> <br />Por ndryshe nga herët e tjera, nuk pati asnjë reagim nga protestuesit, që ishin të fokusuar te Basha.<br /> <br />Në çadër të gjithë ishin në festë për marrëveshjen e arritur, pasi e cilësuan si një fitore të opozitës përballë qeverisë.<br /> <br />Basha nga çadra deklaroi se nesër do të nisim përgatitjet për t'u dhënë shqiptarëve zgjedhje të lira.<br /> <br />"Gjithçka ka ndryshuar, nesër nisim përgatitjet për t'iu dhënë shqiptarëve zgjedhjet e lira dhe të ndershme dhe për të nisur së bashku rrugën drejt një Shqipërie që do të ndryshojë, bazuar në vullnetin tuaj" deklaroi Basha nga çadra.
