Kryetari i Partisë Demokratike, Lulzim Basha, foli në ?Çadrën e Lirisë? në Bulevard pas arritjes së një marrëveshje me kryeministrin Rama që i jep fund ngërçit politik në vend dhe i hap rrugë pjesëmarrjes së opozitës në zgjedhjet e ardhshme, data e të cilave nuk është bërë publike ende.<br /><br />?Duke ju falënderuar nga zemra me mirënjohjen më të thellë, me privilegjin e madh që më dhatë mundësinë që bashkë me ju të jem në krye të kësaj beteje për zgjedhje të lira dhe të ndershme.<br /><br />Gjithçka ka ndryshuar, e pamendueshmja e tre muajve më parë sot është realitet. Nga nesër nisim përgatitjet për t?iu dhënë shqiptarëve zgjedhje të lira dhe të ndershme?, tha kryetari i Partisë Demokratike nga çadra e opozitës, e ngritur në bulevardin Dëshmorët e Kombit.<br /><br />Më herët Rama dhe Basha kishin rëndë dakord gjatë një takimi tri-orësh kokë më kokë për pikat e marrëveshjes McAllister Plus, propozuar nga amerikanët, ku parashikohet të ketë shtyrje të zgjedhjeve, zv/kryeministër dhe katër ministra të miratuar nga Partia Demokratike dhe garanci të tjera për zgjedhje të lira dhe të ndershme.<br /><br />Në këmbim Opozita do të votojë Vettingun në parlament, do t?i japë fund bojkotit dhe do të marrë pjesë në zgjedhjet e përgjithshme tashmë do të shtyhen nga data 18 qershor në një datë të rënë dakord./tvklan.al
