Në marrëveshjen e 18 Majit, Partia Socialiste dhe Partia Demokratike ranë dakort që të ndërhyjnë në Kodin Penal duke ashpërsuar sanksionet për vepra penale si, shitblerja e votës apo edhe për të pasur një forcim të kuadrit ligjor të financimit të partive politike.<br /><br />Janë 12 nene të Kodit Penal, dënimet e të cilave janë ashpërsuar pas ndërhyrjeve të bëra nga legjislativi.<br /><br />Për shit-blerjen e votës, ndëshkimi ndryshon nga gjashtë muaj deri në dy vjet burg, në një vit deri në pesë vjet burg.<br /><br />Për shkeljen e fshehtësisë së votimit, dënimi ndryshon tre muaj gjerë në dy vjet burg, në gjashtë muaj deri në tre vjet.<br /><br />Dënimi për votimin më shumë se një herë ose pa u identifikuar ndryshon nga tre muaj, gjerë në një vit që ishte, në burgim me gjashtë muaj deri ne? tre vjet.<br /><br />Shkelja e rregullave që garantojnë fshehtësinë e votimit dënohet nga një vit deri në katër vjet burg.<br /><br />Dënimi për pengimin e subjekteve zgjedhore ishte 3 muaj deri në 3 vjet dhe do të jetë nga 1 deri në 5 vjet burg.<br /><br />Dhënia e shpërblimeve dhe e premtimeve dënohet me burgim, nga gjashtë muaj deri në tre vjet. Po e njëjta masë është edhe për detyrimin e punonjësve të administratës në veprimtari zgjedhore.<br /><br />Kanosja apo dhunimi ndaj pjesëmarrësve në zgjedhje, nga tre muaj gjerë ne? dy vjet që ishte, bëhet gjashtë muaj deri ne? tre vjet.<br /><br />Kanosja apo përdorimi i dhunës që i bëhet komisionerit, vëzhguesit, numëruesit, si dhe çdo zyrtari tjetër të ngarkuar me zgjedhjet, nga gjashtë muaj gjerë në tre vjet burg që ishte, bëhet nje? vit deri në katër vjet.<br /><br />Kur kjo vepër kryhet në bashkëpunim, ose më shumë se një herë dënohet me burgim, bëhet nga një gjerë në pesë vjet burg, në dy deri në pesë vjet.<br /><br />Marrja ose përdormi i paligjshëm i dokumenteve të identifikimit nga shtetas të tjerë dënohet nga një deri në pesë vjet, ndërsa dhënia e dokumentit të identifikimit me qëllim përdorimin e tij në mënyrë të paligjshme për zgjedhje, dënohet me burgim nga një vit deri në tre vjet.<br /><br />Shpërdorimi i autoritetit policor për të influencuar në mbështetjen e një partie politike ose kandidati në zgjedhje, përbën vepër penale dhe dënohet me burgim, nga një vit deri në pesë vjet.<br /><br />Tv Klan
