Subscribe në Ora News këtu http://bit.ly/1s5j7UT<br /><br />Gjykata e shkallës së parë në Shkodër ka lënë në burg ish-drejtorin e ALUIZNI-t në këtë qytet, Ardian Dodanin.<br />Vlerësimi i masës së sigurisë së kërkuar nga Prokuroria, u zhvillua me dyer të mbyllura dhe u kryesua nga gjyqtarja Fileza Hafizi.<br />Fillimisht përpara se të niste shqyrtimi i çështjes, avokati mbrojtës Sokol Dedndreaj kërkoi 10 minuta kohë për t?u njohur me materialet e dorëzuara nga organi i akuzës.<br />Kërkesa u pranua nga gjyqtarja dhe më pas palët parashtruan pretendimet e tyre, ku prokurori Xhevahir Lita i qëndroi kërkesës për masën e sigurisë ?arrest me burg? ndaj Dodanit, si i dyshuar se ka konsumuar veprën penale të ?shpërdorimit të detyrës? në legalizimin e objekteve informale, kryesisht lokale dhe ambjente të tjera tregtare.<br />Nga hetimet e Prokurorisë së Shkodrës rezulton se, në të paktën 5 raste, kryesisht të vitit 2015, ish-drejtori i ALUIZNI-t të qytetit, Ardian Dodani, dyshohet se ka shkelur kuadrin ligjor që rregullon proçesin e legalizimit të objekteve informale.<br />Në praktikat e legalizimeve, të cilat janë sekuestruar në kuadër të hetimit, Prokuroria e Shkodrës ka evidentuar se, me firmën e Dodanit, janë legalizuar objekte tregtare (bar-restorante) pranë rrugëve kryesore ose në zonën turistike të Shirokës, në të cilën nuk lejohet legalizimi.<br />Nga hetimi i Prokurorisë së Shkodrës rezulton se ish-drejtori i ALUIZNI-t Shkodër, Ardian Dodani, ka nënshkruar praktikat për këto subjekte, ndërkohë që asnjë prej zyrtarëve të tjerë nuk ka nënshkruar dokumentat, sipas përgjegjësive të tyre ligjore dhe administrative.<br /><br />Për më shumë lexoni në: http://www.oranews.tv/vendi/lihet-ne-burg-ish-drejtori-i-hipotekes-shkoder/
