Pas më shumë se 1 viti proces gjyqësor, Gjykata e Lartë dënon me 50 mijë lekë gjobë kreun e grupit parlamentar të PD, Edi Paloka.<br /> <br />Paloka u padit në gjykatë nga ish ministri i Brendshëm Saimir Tahiri, pasi sipas padisë, Paloka kishte shpifur ndaj tij duke e quajtur një mbrojtës të krimit dhe si person që ndihmonte bandat kriminale të Tiranës.<br /> <br />Fillimisht gjykimi i kësaj padi u pezullua dhe u dërgua për kompetencë në gjykatën Kushtetuese e cila vendosi të vazhdonte procesi në gjykatë të Lartë.<br /> <br />Paloka humbi dhe gjyqin me Ramën<br />Ky është dënimi i dytë ndaj Palokës i cili më parë është dënuar po nga gjykata e Lartë me gjobë pasi u gjet fajtor për shpifje ndaj kryeministrit Edi Rama.
