Subscribe në Ora News këtu http://bit.ly/1s5j7UT<br /><br />Janë konstituuar edhe 2 Komisionet e tjera ad-hoc për ngritjen e organeve të vettingut, një me 12 anëtarë që do të zgjedhë Komisionin e Pavarur të Kualifikimit dhe një me 6 anëtarë për Kolegjin e Apelimit. Ndërkohë Komisioni që do të kryejë verifikimin e kandidatëve miratoi kalendarin e punimeve në të cilin në datat 29 dhe 30 maj do të përmbyllë dëgjesat me kandidatët dhe do të miratojë listën finale me kandidatët që janë të gatshëm për votim.<br />Të hënën në orën 10:00 dhe të martën në orën 9:00 të mëngjesit, Komisioni ad-hoc i verifikimit të kandidatëve për proçesin e vettingut, do të thërrasë në seancë dëgjimore të 193 aplikantët pjesëmarrës në garë.<br />Manja: Propozoj që kandidatët e listës B të njoftohen të gjithë për seancë dëgjimore, ndërsa tek lista A siç e parashikon ligji të njoftohen kandidatët që kanë marrë një rekomandim negativ nga ONM dhe Komisioni. Në proçes e sipër të punës këtu jemi, do të vendosim edhe për seancë dëgjimore edhe për pjesën tjetër të kandidatëve që kanë marrë rekomandim pozitiv nga Avokati i Popullit dhe ONM.<br />Në atmosferën e fushatës, deputeti Flamur Noka kërkoi që mbledhjet e Komisionit të bëheshin në darkë, kërkesë që nuk u mor parasysh nga anëtarët e tjerë të Komisionit.<br /><br />Për më shumë lexoni në: http://www.oranews.tv/vendi/vettingu-mblidhet-komisioni-ad-hoc-per-verifikimin-e-kandidateve/
