Lajmi i dhënë nga Ministria greke e Energjisë përmes kreut të saj Jorgos Stathakis se tre kompanive i është dhënë e drejta për të kërkuar naftë në bllokun e diskutueshëm detar me Shqipërinë, në kuadratin mes ishullit të Korfuzit dhe Sarandës, rrezikon një përplasje mes shtetit shqiptar dhe një kompanie që operon në këtë zonë, e licensuar nga Shqipëria.<br /><br />Konkretisht, që në vitin 2007, vendi ynë ka lidhur marrëveshje hidrokarbure për bllokun Joni-5 me kompaninë Capricon, e cila sot ka ndryshuar emrin në Orion Albania Limited.<br /><br />Kompania me seli në Londër ka të drejtat eksluzive për të kërkuar naftë në këtë zonë dhe rrezikon përplasjen në kërkimin e vendburimeve me tre firmat e licensuara nga Greqia.<br /><br />Nëse do të ketë humbje ekonomike, kompania do t?ia kërkojë detyrimet Shtetit Shqiptar.<br /><br />E kontaktuar nga Televizioni Klan, Ministria e Energjisë thotë se kjo çështje është në dorën e diplomatëve, dhe konkretisht ministrisë së Jashtme, e cila duhet të vendosë edhe njëherë kufirin detar përfundimtar me Greqinë.<br /><br />Një marrëveshje e vitit 2008-të mes dy ministrave të Jashtëm grek e shqiptar për këto kufij u rrëzua disa vite më parë nga Gjykata Kushtetuese.<br /><br />Tv Klan
