Subscribe në Ora News këtu http://bit.ly/1s5j7UT<br /><br />Ka ndërruar jetë në moshën 53-vjeçare deputeti Gjovalin Kadeli. Ai vuante nga pankreasi akut, sëmundje për të cilën u trajtua në Itali. Kadeli do të mbahet mend për kontributin në jetën parlamentare, ku ka ushtruar funksionin e deputetit në dy legjislatura.<br />Gjovalin Kadeli, deputet i Parlamentit të Shqipërisë nuk ia doli të fitonte betejën me sëmundjen e rëndë që vuante prej tre muajsh.<br />Ai ka ndërruar jetë këtë të premte në një spital të specializuar në Itali, ku prej fundit të muajit mars kurohej nga pankreasi akut.<br />Më herët ai ishte diagnostikuar dhe trajtuar në qendrën Spitalore Universitare Nënë Tereza, por përkeqësimi i gjendjes shëndetësore detyroi dërgimin e tij në shtetin fqinj ku iu nënshtrua disa ndërhyrjeve kirurgjikale, por nuk mundi t?ja dalë mbanë.<br />Gjovalin Kadeli, i cili u shua në moshën 53 vjecare do të mbahet mend për kontributin e tij në jetën parlamentare të Shqipërisë gjatë dy legjislaturave ndërsa ka qënë edhe anëtar i Komisionit për Ekonominë dhe Financat.<br />Në legjislaturën 2009-2013 ka qenë deputet i Partisë Socialiste ndërsa në zgjedhjet parlamentare të 23 qershorit 2013 ai nuk u përfshi më listat për kandidatë të Partisë Socialiste.<br />Pas koalicionit PD-LSI po në këtë vit ai votoi pro ndryshimeve në qeverinë e Partisë Demokratike. Vota e tij u vlerësua nga kjo force politike që e përfshiu Kadelin në listat e saj për kandidat nga ku u zgjodh deputet. Pas marrjes së mandatit në vitin 2013 ai iu bashkua grupit parlamentar të LSI-së.<br /><br />Për më shumë lexoni në: http://www.oranews.tv/vendi/ndahet-nga-jeta-deputeti-i-lsi-se-gjovalin-kadeli/
