TIRANË-Në mbrëmjen e së premtes, gjatë një aksioni të policisë është bërë e mundur sekuestrimi i rreth 468.2 kg hashash në zonën e quajtur Ish-Fusha e Aviacionit, në afërsi të Laprakës, në një banesë private.<br /> <br />Në sajë të operacionit antidrogë i koduar "Qark i mbyllur" janë arrestuar Arif Plasa, 55 vjeç dhe Besnik Berisha, 48 vjeç, të dy banues në Tiranë.<br /> <br />Lënda narkotike ishte paketuar në 15 thasë të zinj plasmasi dhe ishte bërë gati për shitje.<br /> <br />Nga kontrolli i kryer në banesën e shtetasit Besnik Berisha, është gjetur dhe sekuestruar në cilësinë e provës materiale 468.2 kg lëndë narkotike.<br /> <br />Specialistët për Hetimin e Narkotikëve në bashkëpunim me Prokurorinë vijojnë hetimet për zbardhjen dhe dokumentimin e plotë të këtij rasti, me qëllim kapjen dhe vënien para përgjegjësisë ligjore të personave të tjerë të përfshirë në këtë ngjarje.
