Komisioni Qendror i Zgjedhjeve ka shprehur shqetësimin lidhur me problemet dhe vonesat e shkaktuara në trajnimin e komisionerëve për zgjedhjet e 25 qershorit. <br /><br />Përmes një letre, KQZ i drejtohet Kryeministrisë dhe partive politike se komisionerët që janë nëpunës në administratën publike, nuk paraqiten në detyrë për të marrë direktivat e organizimit të procesit elektoral. <br /> <br />"Komisionerët të cilët nuk kanë marrë leje nga institucionet përkatëse nuk po paraqiten në detyrë. Për ketë shkak, KZAZ nuk po respektojnë orarin e punës të përcaktuar në Udhëzimin nr. 2 datë 25.02.2000", thuhet në letrën e KQZ.<br /><br />KQZ thotë se nëse kjo situatë problematike e krijuar vijon rrezikohet organizimi i procesit zgjedhor.
