Një person i dytë, bashkëpunëtor i Mikel Shallarit, po kërkohet për vrasjen e ish - kreut të Policisë së Vlorës, Artan Cuku.<br /><br />Lajmi kofirmohet për Televizionit Klan nga burime të grupit të hetimit, të cilët thanë se i kërkuari ka ndihmuar Mikel Shallarin të përgatiste atentatin dhe të largohej nga vendngjarja.<br /><br />Emri i tij nuk bëhet i ditur emri i tij, për shkak të sekretit hetimor. Por burime të policisë i thanë Televizionit Klan se specialistët po përpiqen të ndajnë faktin, nëse ndihmësi i Shallarit është një nga dy personat që policia ka shpallur në kërkim, si porositës të vrasjes.<br /><br />Këtë dyshim hetuesit po përpiqen ta faktojnë përmes pamjeve filmike dhe marrjes së dëshmive të personave okularë në vendin e ngjarjes.<br /><br />Pas arrestimit të Mikel Shallarit, policia ka shpallur në kërkim dy persona që besohet se janë urdhëruesit e vrasjes së Cukut. Ata nuk janë gjetur në banesat e tyre dhe besohet se janë larguar jashtë vendit.<br /><br />Pista, sipas burimeve të policisë, tashmë mbetet ajo që lidhet me detyrën e Cukut në Vlorë, Fier e Berat. Tashmë duket se pista e gjakmarrjes nga familja Daka ka rënë, edhe pse zyrtarisht hetimet vijojnë.<br /><br />Tv Klan
