Nga Gjirokastra, presidenti i ardhshëm Ilir Meta hodhi sërish akuza në drejtim të Policisë së Shtetit dhe ish-ministrit të Brendshëm, Saimir Tahiri për kanabizimin. <br /><br />Gjatë mitingut elektoral me mbështetës të LSI, Meta u shpreh se akioni anti-drogë në Lazarat i tre viteve më parë u bë që të mbulohej me kanabis i gjithë vendi. <br /><br />"Ne mbështetëm aksionin anti drogë në Lazarat, aty humbi jetën edhe një hero i Forcave Speciale. <br /><br />Por ai operacion në Lazarat u bë për të mbushur të gjithë Shqipërinë me drogë", u shpreh Meta. <br /><br />Ish-kryetari i LSI fshikulloi PS-në duke i quajtur pseudosocialistë të cilët janë fotokopje e Berishës së parë.
