Fermerë të fshatit Bregas në Korçë kanë zhvilluar një protestë paraditen e kësaj të hëne. Ata kanë bllokuar me mjete bujqësore për disa orë rrugën kryesore që lidh fshatrat e Fushës së Korçës. <br /><br />Shkak i protestës ka qenë kushtet e vështira të fermerëve të cilët nuk gjejnë treg për produktet e tyre bujqësore dhe blegtorale. Ata janë ankuar se prej gjashtë muajsh nuk arrijnë të shesin dot qumështin, çka ka bërë të falimentojnë një pjesë e madhe e baxhove që e grumbullojnë atë. <br /><br />Ata tanë se kanë marrë kredi për të blerë lopë dhe nuk kanë mundësi ta shlyejnë, ndërsa hedhin akuza edhe për konkurrencë të pandershme në treg.<br /><br />Fermerët kërkojnë ndërhyrjen e strukturave shtetërore dhe subvencionim të prodhimit, pasi në të kundërt ata do të vijojnë protestat, ndërsa paralajmërojnë edhe bojkotimin e zgjedhjeve parlamentare të 25 qershorit.
