Dhjetra demokratë të Pogradecit i janë bashkuar Partisë Socialiste në prag të zgjedhjeve të 25 Qershorit me arsyen se PD e vërtetë për të cilën ata kanë kontribuar, është shkatërruar nga Lulzim Basha dhe se kandidati Klevis Balliu është një fyerje për ta dhe Pogradecin.<br /><br />Ata kanë zhvilluar një takim me kandidatin e Partisë Socialiste në Pogradec, Eduard Shalsi, për të shprehur mbështetjen e tyre për PS.<br /><br />Por ajo që ka i ka surprizuar të gjithë, është fjala e kryetares së gruas të Partisë Demokratike Pogradec dhe këshilltare e PD në këshillin bashkiak, e cila ka deklaruar largimin e saj nga ajo që e quan ?Republika e njerëzve humbës?.<br /><br />Manushaqe Malçellari ka ironizuar djalin e Fahri Ballliut duke thënë se ?Si do të zgjidhë ky djalë hallet e qytetarëve, kur hallet e tij ia zgjidh babai??<br /><br />?Nuk mund të votoj një njeri të pashkolluar, pa eksperiencë?, deklaron ajo.<br /><br />Deri sot një nga drejtueset e rëndësishme lokale të PD në Pogradec, Malçellari ka akuzuar Lulzim Bashën se ka shkatërruar vlerat e demokracisë në PD.
