Leonard Nika, 29-vjeç, ka dëshmuar përpara grupit hetimor të policisë arsyet që e çuan atë të vrasë nënën dhe babin e tij, Ali e Junie Nika, një ditë më parë në zonën e Xhafzotajt, në Durrës. <br /><br />Burime pranë policisë bëjnë të ditur se autori ndodhet në gjendje të rëndë psikologjike, ndërsa herë pas here shfaq haluçinacione. <br /><br />Përpara hetuesve ai ka thënë se ka pasur debate me familjarët, pasi u kishte kërkuar para për të ikur drejt Italisë, nga ku ishte kthyer tre ditë më parë.<br /><br />I qëlloi me çifte brenda në shtëpi<br />Refuzimit të prindërve, 29-vjeçari i është përgjigjur duke marrë çiften me të cilën i qëlloi për vdekje në derën e shtëpisë. <br /><br />?U kam kërkuar para për të ikur në Itali, por nuk e mbaj mend sesi kam qëlluar mbi ta. Kam qenë në gjendje të rënduar psikologjike. S'mbaj mend asgjë?, ka thënë ai përpara bluve.
