Pas Eduart Selamit është edhe Astrit Patozi që shpall zyrtarisht kandidaturën e tij për kryetar të Partisë Demokratike përballë kryetarit të vetëngrirë Lulzim Basha.<br /><br />?I shqetësuar për rezultatin dramatik të PD-së në këto zgjedhje dhe i bindur se ringritja e saj mund të ndodhë vetëm pas një procesi reflektimi dhe një gare të drejtë, jam këtu sot që të marr të gjitha përgjegjësitë e mia në funksion të këtij qëllimi.<br /><br />I mbështetur nga një numër shumë i madh anëtarësh dhe drejtuesish të PD-së në vite dhe i vendosur në kushtet e mosdaljes së një kandidature tjetër të vërtetë dhe serioze, deklaroj se jam i gatshëm të kandidoj për kryetar të PD-së në rast se do të ketë garanci të mjaftueshme për zgjedhje të lira, të ndershme dhe të pandikuara?, tha Patozi në një dalje për mediat nga selia blu.<br /><br />Patozi kërkoi dorëheqjen e menjëhershme dhe jo ngrirjen e kryetarit Basha, sidhe largimin e tij nga zyra e PD-së derisa të përfundojë gara për kryetar.<br /><br />Ai tha se duhet të jetë Sekretari i Përgjithshëm i partisë ai që duhet të marrë në dorë databazën e anëtarëve të partisë dhe kërkoi kohë të mjaftueshme për debat në garën zgjedhore.<br /><br />?Këto kërkesa janë garancitë minimale për një proces zgjedhor demokratik?, tha Patozi.<br /><br />Patozi ka shërbyer më parë si nën/kryetar i Partisë Demokratike dhe kryetar i grupit parlamentar gjatë kohës së qeverisjes së Sali Berishës. Ai nuk u përfshi në listat për kandidatë në zgjedhjet e 25-qershorit nga kryetari Lulzim Basha, zgjedhje të cilat Partia Demokratike i humbi duke arritur nivelin më të ulët historik të vetëm 43 mandateve në parlamentin me 140 deputetë.<br /><br />Shpallja e kandidaturës nga ana e Patozit, vjen vetëm dy ditë pasi gjatë një interviste për Blendi Fevziun në ?Opinion?, në Televizionin Klan, ai përjashtoi mundësinë e kandidimit duke i quajtur zgjedhjet me Bashën në garë si ?farsë?.<br /><br />?Është folur për mua gjatë këtyre ditëve për kandidimin tim. Unë sigurisht e kam lexuar me vëmendje këtë dhe sot sigurisht kam një vendim. Unë nuk do të kandidoj për kryetar të PD-së. Kam dy arsye që janë shumë të forta. Nuk kandidoj për kryetar të PD-së sepse PD-ja sot nën drejtimin e Lulzim Bashës të vetëngrirë është bërë gati të hapë një farsë elektorale, e cila nuk ka asgjë të përbashkët me një garë të lirë dhe të ndershme brenda një partie politike?, tha Patozi në ?Opinion?.<br /><br />Ai tha se ?çdo lloj garë, minimalisht ka nevojë për disa kushte dhe parakushte që të jetë e lirë, e ndershme dhe e paanshme?.<br /><br /> Zgjedhjet për kryetarin e ri të Partisë Demokratike do të mbahen me 22 Korrik./tvklan.al
