http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Kjo e diele, është afati i fundit për regjistrimin e kandidatëve në garën për kryetar të Partisë Demokratike.<br /> <br />Kandidate deri tani janë drejtuesi aktual Lulzim Basha, i cili pas humbjes së zgjedhjeve politike të 25 qershorit, ka ngrirë funksionet e tij në parti dhe ish-deputeti Eduard Selami. Po ashtu kane depozituar kandidimin edhe Astrit Sinanaj e Erion Piciri, figura të panjohura në aksionin politik të Partisë Demokratike. Ndërkohë që ka deklaruar se është gati të përfshihet në garë edhe ish-kreu i grupit parlamentar Astrit Patozi.<br /> <br />Pas përfundimit të afatit të regjistrimit të kandidaturave, pritet vendimmarrja nga strukturat e PD-së për çeljen e garës dhe përcaktimet konkrete për fushatën në bazën demokrate të të gjithë kandidatëve. I kontaktuar nga Vizion Plus, nënkryetari demokrat Edmond Spaho tha se të gjitha vendimet e nevojshme që parashikon statuti i Partisë Demokratike do të merren në kohën e nevojshme. Ndërkohë që Sekretari Organizativ Enno Bozdo tha se do të ketë një vendim për filtrimin e kandidaturave. Vetëm një ditë pas zyrtarizimit të kandidaturës Astrit Patozi reagoi përmes një statusi në Facebook, ku vlerëson nevojën për ringritjen e PD-së<br /> <br />?Më vjen mirë që e mendoni si unë nevojën e madhe për ringritjen e Partisë Demokratike. Është e vetmja shtysë që më frymëzon mua dhe shumë kolegë të tjerë, të cilëve u jam shumë mirënjohës, në këtë përpjekje. Kam vetëm një thirrje për ju të gjithë: Ky është një konkurrim brenda nesh, që ka vetëm një synim, garën e ndershme dhe bashkimin e Partisë Demokratike. nuk kemi askënd per të humbur, dhe duhet të marrim gjithkënd për të fituar.?<br /> <br />Gjatë shpalljes së kandidaturës, Patozi vendosi kushte, duke kërkuar më parë garanci për për garë të barabartë, e cila si pikënisje ka dorëheqjen e Lulzim Bashës. Përveç kësaj, kërkohet mbledhja urgjente e kryesisë e cila duhet të anulojë procedurën e nisur për zgjedhjet në PD, të ngre një grup që të hartojë Rregulloren për zgjedhjet dhe vetëm më pas, kryesia të caktojë datën. Megjithatë data e bërë publike, kur do të thirren të gjithë anëtarët e PD-së për të votuar, është caktuar 22 Korriku.
