Një magazinë e riciklimit të mbetjeve plastike spitalore është përfshirë nga flakët orët e para të mëngjesit.<br /><br />Sipas të dhënave nga policia mësohet se rreth orës 05 e 20 minuta është raportuar për një zjarr në zonën e Arbanës.<br /><br />Menjëherë është kërkuar ndihma e zjarrfikëseve, të cilat kanë ndërhyrë.<br /><br />Zjarri që u zhvillua me shpejtësi në katin e parë të magazinës, për shkak të plastikës në sasi të mëdha të depozituara brenda, është neutralizuar pas katër orësh.<br /><br />Tvklan.al sjell pamjet nga vendngjarja, kur flakët ishin në intensitet të lartë, si dhe të momentit të ndërhyrjes së zjarrfikëseve.<br /><br />Tymi ka shkaktuar një ndotje të madhe në zonë.<br /><br />Rreth orës 09 e 20 minuta, zjarri është vënë nën kontroll.<br /><br />Paraprakisht mësohet se shkak i zjarrit të ketë qenë një defekt në njërën prej makinerive të lëna ndezur./tvklan.al
