TIRANE-Kur kanë kaluar 3 vite nga skandali i vjedhjes së 713 milion lekëve nga thesari i Bankës së Shqipërisë, gjykata civile ka vendosur që të dënuarit për këtë vjedhje Ardian Bitraj e Mimoza Bruzia duhet të kthejnë në bankë paratë e vjedhura.<br />ReportTv ka siguruar një kopje të vendimit të gjykatëses Rezarta Balliu, ku më 21 qershor është vendosur kthimi i parave dhe sekuestro mbi cdo pasuri të luajtshme dhe të paluajtshme në emër të dy të dënuarve Bitraj e Bruzia.<br />Më 3 Mars 2015 Banka e Shqipërisë ju drejtua gjykatës me një padi shkaktim dëmi, por pas disa muajve pezullim ky proces u rihap me dënimin e formës së prerë dhënë nga apeli me 13.4 vite ndaj Ardian Bitraj dhe 10 vite ndaj Mimoza Bruzia.<br /><br />Në Korrik të 2014 rrëfimi i vetë Ardian Bitrajt zbuloi skandalin e vjedhjes së thesarit të Bankës së Shqipërisë.<br /><br />Pas këtij skandali zyrtarët më të lartë të bankës përfshi dhe guvernatorin Ardian Fullani përfunduan në pranga.
