Nga Vlora ish numri dy i Partisë Demokratike Astrit Patozi ri-forcoi thirrjen e tij për gjithë demokratët që nga kryetari historik i saj, Sali Berisha, e deri te anëtari më i ri të ndalojnë farsën e zgjedhjeve të 22 Korrikut për kryetarin e ri.<br /><br />Patozi u kërkoi të reagojnë shpejt dhe të marrin në dorë fatin e Partisë Demokratike pasi siç tha ai, PD-ja nuk mund të jetë kurrë biznesi personal i njeriu të vetëm qoftë ai edhe kryetari.<br /><br />Para qindra demokratëve vlonjatë të mbledhur në teatrin ?Petro Marko?, ish nënkryetari i Partisë Demokratike komentoi edhe akuzat e bëra nga demokratët se Lulzim Basha i shiti zgjidhjet.<br /><br />Më të rëndë se humbjen e zgjedhjeve në 25 Qershor, Astrit Patozi, quan mos-marrjen e përgjegjësive nga kryetari i vetë-ngrirë, ndërkohë që nuk mungon shembulli, ai i dorëheqjes së parevokueshme të Sali Berishë pas zgjedhjeve të 2013-ës.<br /><br />Për Besnik Mustafaj në këto zgjedhje nuk humbi thellë vetëm Partia Demokratike me 14 mandate me pak si asnjëherë tjetër, por e gjithë e djathta shqiptare. <br /><br />Para të pakënaqurve demokratë të Vlorës Astrit Patozi tha se është gati të nderojë një garë normale dhe të barabartë pa larguar askënd dhe duke thirrur gjithkënd te kontribuojë.<br /><br />/Tv Klan
