Gjatë muajit janar 2016, është konstatuar një ngjarje e rëndë, mbifaturim i konsumit të abonentëve të Ujësjellës-Kanalizimeve Tiranë, duke krijuar vështirësi për abonentët, të cilët në masë ishin biznese, por edhe për stafin, për shkak të ankesave të shumta të depozituara, të cilat duhet të verifikoheshin.<br /><br />Kjo situatë e rëndë, përveç problemeve operacionale, ka ulur besimin e qytetarëve në funksionalitetin e këtij institucion të rëndësishëm publik.<br /><br />Veç reagimit të Bashkisë Tiranë, që është aksioneri kryesor i Ujësjellësit të kryeqytetit, e cila shkarkoi ish-drejtorin Neritan Gjojdeshi, për aktivitetin e kësaj ndërmarrjeje publike zhvilloi një audit të zgjeruar edhe Kontrolli i Lartë i Shtetit, i cili konstatoi, gjatë asaj periudhe, një situatë skandaloze, të krijuar si pasojë e drejtimit plot me abuzime nga drejtuesit e saj, tashmë të shkarkuar.<br /> <br />Kush është Neritan Gjojdeshi - lidhja me "Pashain e Jugut"<br />Ish-drejtori i përgjithshëm i Ujësjellësit të Tiranës Neritan Gjojdeshi u propozua në këtë post nga ish-deputeti i PS Koço Kokëdhima, në kohën kur ishte në kulmin e pushtetit të tij.
