Një 25 ?vjeçar u plagos me pistoletë këtë të hënë rreth orës 10:00, në një argjendari pranë Medresesë, në rrugën e Dibrës.<br /><br />Vangjel Kashara pronar i argjendarisë u sulmua nga një person ende i paidentifikuar.<br /><br />Ai ka hyrë në argjendari dhe ka qëlluar dy herë. Njeri prej plumbave e ka prekur në krah. Fillimisht agresori dhe 25-vjeçari janë përleshur fizikisht. Dyshimet e policisë bëjnë fjalë për një tentativë grabitjeje. <br /><br />Sipas burimeve të policisë agresori ndodhej në dyqan, kur dyshohet se u konfrontua fizikisht me të plagosurin. Menjëherë pas krimit autori që përshkruhej, 25- 30 vjeç, 160 cm i gjatë, i veshur me rroba të bardha u largua me vrap përmes pallateve të zonës.<br /><br />Një shitës çantash ngjitur me argjendarinë tha se kishte dëgjuar të shtënat, por se nuk mundi të shihte asgjë pasi ndodhej në dyqan. Në vendin e ngjarjes, policia sekuestroi së paku dy gëzhoja që besohet se i përkasin një arme të kalibrit 9 mm.<br /><br />I plagosuri nuk njihet të ketë konflikte apo rekorde kriminale nga policia.<br /><br />Më parë, në vitin 1997, Kashares i kanë vrarë te ëmën Flutura Kashara. Edhe ajo dyshohet si grabitje. Hetuesit sekuestruan pamjet filmike të disa bizneseve në përpjekje për të identifikuar autorin e plagosjes. Policia shoqëroi disa persona për t?iu marrë dëshmitë, ndërsa ende nuk ka të dhëna mbi agresorin e mundshëm.<br /><br />/Tv Klan
