Ky personi i arrestuar si autori i plagosjes së Vangjush Kasharës, pronarit i një argjendarie të hënën paradite.<br /><br />28 - vjeçari i identifikuar nga policia si Albi Nazaj, nga Vlora, me banim në Tiranë, e qëlloi atë me pistoletë gjatë tentativës për të grabitur argjendarinë.<br /><br />Fotoja është marrë nga kamerat e sigurisë së një biznesi pranë vendit të ngjarjes, ndërsa largohej në këmbë me vrap.<br /><br />Përmes këtyre pamjeve u bë i mundur edhe identifikimi i tij.<br /><br />Edhe disa dëshmitarë në vendin e ngjarjes, i ndihmuan efektivët e policisë përshkrimet e tyre.<br /><br />Ata i thanë policisë se i dyshuari kishte një tatuazh në krah, i veshur me pantallona xhins, një kapele dhe një bluzë të bardhë, ashtu siç shihet në foton e siguruar nga Televizioni Klan.<br />Albi Nazaj u ndalua në rrugën "5 Maji" jo shumë larg vendit ku banonte, në një distancë prej rreth 500 metrash nga vendi i ngjarjes.<br /><br />Policia kontrolloi banesën e tij, por nuk mundi të gjente armën e krimit.<br /><br />Dyshohet se ai e hodhi armën në një kosh mbeturinash, menjëherë pasi plagosi në krah pronarin e argjendarisë.<br /><br />Nazaj nuk e ka pranuar krimin dhe ka thënë se nuk qenë në Rrugën e Dibrës në momentin e ngjarjes.<br /><br />Por disa dëshmitarë e kanë identifikuar atë mes personave të tjerë.<br /><br />Për të përforcuar provat e tyre, prokuroria dhe policia morën kampionë biologjikë për të kryer testin e ADN- së së të arrestuarit, për t?i krahasuar me gjurmët që ai ka lënë në argjendari, apo gjatë përleshjes me pronarin e saj.<br /><br />Policia tha se ai ka precedentë të mëparshëm për vjedhje dhe kundërshtim të forcave të rendit.<br /><br />Tv Klan
