Në fund të 4 viteve udhëheqje të demokratëve në ditë të vështira, Lulzim Basha hedh dritë për shumë çështje të pasqaruara, duke filluar me të ashtuquajturën ?marrëveshja e errësirës?.<br /><br />Report Tv ka zbardhur takimin me dyer të mbyllura të kryedemokratit me simpatizantë e mbështetës të njësisë 5 në kryeqytet.<br /><br />Basha foli për prapaskenat e marrëveshjes së 18 maji, për zërat kritikë, për gabimet e tij dhe planin e rimëkëmbjes së PD.<br /><br />Marrëveshja e 18 majit, Basha: Ja çfarë më tha Mc Allister<br />Lulzim Basha: ? Marrëveshja e 18 majit vulosi kauzën tonë të drejtë për zgjedhje të lira dhe të ndershme edhe pse paketa Mc Allister nuk reflektoi gjithë kërkesat tona.<br /><br />Edhe Mc Allister kur e takova personalisht më tha: ?Në djall kush më solli këtu, kjo paketë nuk është asgjë, por në këto kushte nuk ka mundësi tjetër?. Edhe SHBA dhe BE e vlerësuan kauzën tonë, por sigurisht nuk donin që Shqipëria të bëhej mollë sherri, prandaj mbështetën paketën Mc Allister.<br />Marrëveshja u përfol si e fshehtë, por kjo është një gënjeshtër.
