Vazhdon të shkatërrohet rruga që lidh Krujën me parkun Kombëtar të Qafshtamës. Ndonëse është ndërtuar 4 vite më parë, mungesa e përkujdesjes ka bërë që në shumë pjesë, ajo të pësojë dëmtime të vazhdueshme.<br /><br />Masive dherash janë shkarkuar mbi rrugë çka rrezikonë në çdo moment jetën e shoferëve që kalojnë në këtë aks rrugor.<br /><br />Kanë kaluar 4 vite që nga ndërtimi i rrugës qe lidh Krujën me Parkun Kombëtar të Qafshtamës, por mungesa e përkujdesjes ka bërë që shumë pjesë të saj të ketë dëmtime të dukshme.<br /><br />Ndërkohë që nga asfaltimi i këtij aksi rrugor numri i personave që kanë vizituar parkun e Qafshtamës është rritur ndjeshëm. Kohët e fundit rruga në shumë pjesë të saj ka pësuar dëmtime ku në disa pjesë si pasojë e rrëshkitjes së dherave është kthyer vetëm me një korsi.<br /><br />Shoferët ankohen se shpesh kanë pasur mundësi aksidenti pasi devijimi i rrugës dhe kalimi në një korsi i ka përballur me drejtues të tjerë mjetesh.
