Fjalimi i Presidentit të Republikës, Ilir Meta në Ceremoninë e betimit në Kuvend<br /><br />E nderuar Znj. Leskaj drejtuese e seancës,<br /><br />I nderuar Z. Kryeministër,<br /><br />Të nderuar Ministra,<br /><br />Të nderuar Zonja dhe Zotërinj deputetë,<br /><br />Të nderuar përfaqësues të komuniteteve fetare,<br /><br />Shkëlqesi Ambasadorë dhe përfaqësues të trupit diplomatik,<br /><br />Miq dhe të ftuar! Të dashur bashkëkombas!<br /><br />Sot kam nderin e veçantë t?ju përshëndes përzemërsisht dhe me ndjenjën më të madhe të përgjegjësisë Kushtetuese e qytetare, në cilësinë e detyrës më të lartë të Shtetit, në atë të Presidentit të Republikës së Shqipërisë.<br /><br />Në këto momente solemne, duke përcjellë falënderimet për Kuvendin e Shqipërisë që më zgjodhi në këtë detyrë kaq fisnike, më lejoni që t?ju dëshmoj solemnisht vullnetin tim të hekurt për të respektuar në gërmë dhe në frymë Kushtetutën e Republikës së Shqipërisë, për të përmbushur të gjitha përgjegjësitë e mija Kushtetuese në interesin më të mirë të vendit, të kombit dhe qytetarëve shqiptar, pa kursyer në asnjë çast përkushtimin që kërkon lartësia e detyrës; integritetin, drejtësinë dhe pa-anshmërinë.<br /><br />Kushtetutshmëria, asnjanësia politike, si dhe respektimi i shtetit të së drejtës, do të jenë referencat kryesore të vendimeve dhe akteve të mia Presidenciale.<br /><br />Gjithmonë do t?i shërbej frymës së konsensusit, dialogut, bashkëpunimit e gjithëpërfshirjes në interes të forcimit të institucioneve e bashkëpunimit ndërinstitucional e sidomos të avancimit të reformave më jetike që e bëjnë Shqipërinë një vend më demokratik, më të qëndrueshëm, më të sigurt e plotësisht europian.<br /><br />25 vjet më parë u zgjodha deputet në këtë kuvend e sot më duhet të ndahem me jetën time parlamentare për të përmbushur një përgjegjësi të re dhe shumë të lartë, por i bindur në rëndësinë e forcimit të bashkëpunimit me Kuvendin në të ardhmen.<br /><br />Në 25 vjet kam qenë pjesë aktive e opozitës dhe mazhorancës, kam përfaqësuar dy forca politike në detyrat nga më të rëndësishmet, kam qenë në vijën e parë të ballafaqimit politik por edhe të përpjekjeve për konsensus për realizimin e marrëveshjeve të rëndësishme për stabilitetin e të ardhmen europiane të vendit.<br /><br />Ashtu sikurse 27 vjet më parë isha pjesë e lëvizjes studentore, thirrja e se cilës ?Ta bëjmë Shqipërinë si gjithë Europa? mbetet akoma një projekt i pambaruar.<br /><br />Unë besoj se papunësia, varfëria dhe emigracioni shqetësues i rinisë mbeten akoma ?armiqtë? tanë të përbashkët të vërtetë.<br /><br />Këto janë sfidat e përbashkëta më të vështira që duhen fituar në emër të të gjithë qytetarëve tanë pa asnjë dallim e sidomos në emër të rinisë sonë dhe të ardhmes së vendit.<br /><br />Reformat e qëndrueshme me rëndësi kombëtare, në funksion të forcimit të institucioneve dhe konsolidimit të pavarësisë së tyre, nuk mund të jenë produkt vetëm i një mazhorance, por i një sipërmarrjeje kolektive kombëtare, ku roli i opozitës është i pazëvendësueshëm dhe i domosdoshëm.<br /><br />Një vit më parë në këtë Kuvend miratuam me konsensus të plotë ndryshimet kushtetuese për Reformën në Drejtësi, e cila është...
