?Betohem se do t?i bindem Kushtetutës dhe ligjeve të vendit, do të respektoj të drejtat dhe liritë e shtetasve, do të mbroj pavarësinë e Republikës së Shqipërisë dhe do t?i shërbej interesit të përgjithshëm dhe përparimit të Popullit Shqiptar. Betohem!?<br /><br />Në fjalën e tij të parë si kreu i shtetit, Meta premtoi se do t?i shërbejë gjithmonë konsesusit mes palëve.<br /><br />"Gjithmonë do t?i shërbej frymës së konsensusit, dialogut, bashkëpunimit e gjithëpërfshirjes në interes të forcimit të institucioneve e bashkëpunimit ndërinstitucional e sidomos të avancimit të reformave më jetike që e bëjnë Shqipërinë një vend më demokratik, më të qëndrueshëm, më të sigurt e plotësisht europian."<br /><br />Megjithëse u betua përpara deputetëve që u mbaron mandati në Shtator, Meta bëri edhe një apel për opozitën e re.<br /><br />"Reformat e qëndrueshme me rëndësi kombëtare, në funksion të forcimit të institucioneve dhe konsolidimit të pavarësisë së tyre, nuk mund të jenë produkt vetëm i një mazhorance, por i një sipërmarrjeje kolektive kombëtare, ku roli i opozitës është i pazëvendësueshëm dhe i domosdoshëm".<br /><br />Meta nuk la pa nxjerrë në pah momentin e zgjedhjes së tij kur salla ishte gjysmë bosh, pasi opozita protestonte në çadër.<br /><br />"Më 28 prill vendosa të kandidoja për President më shumë me mendje sesa me zemër sepse opozita nuk ishte këtu. Por sot dua t'ju siguroj se betimin e kam bërë plotësisht me zemër dhe bindje të plotë se zgjedhja që bëra në atë moment dha kontributin e saj modest edhe për të evituar një krizë që vendi dhe e ardhmja e tij europiane nuk e meritonin".<br /><br />Përpara se të linte parlamentin për t'u nisur drejt Presidencës, Meta shtrëngoi duart me deputetë të të dy krahëve, ku ra në sy mungesa e kontakteve me Kryeministrin Rama dhe përshëndetja me ish-Kryeministrin Berisha.<br /><br />Një orë më pas, Ilir Meta hyri në selinë e Presidencës ku u prit nga kreu i shtetit në largim, Bujar Nishani, me të cilin pati edhe një takim të shkurtër. Ceremonia e përurimit nisi me dorëzimin e Kushtetutës nga kreu i Gjykatës Kushtetuese.<br /><br />Sërish Meta premton të punojë për dialogun dhe konsensusin politik.<br /><br />"Përvoja politike më inkurajon të pohoj se gjithnjë ia ka vlejtur të bësh lëshimet dhe kompromiset e nevojshme për hir të mbarësisë kombëtare".<br /><br />Në fund, Bujar Nishani la Presidencën pa xhaketën e kryeshtetarit ndërsa Meta mori urimet e të pranishmëve, përveç përfaqësuesve të opozitës të cilët u larguan menjëherë. Meta mbajti në krah 2 vajzat dhe djalin ndërsa bashkëshportja Monika Kryemadhi qëndroi në distancë.<br /><br />Në ceremoninë e inaugurimit ishin të pranishëm krerët më të lartë të qeverisë, instituicioneve kushtetuese, trupit diplomatik, komuniteteve fetare dhe medias. <br /><br />Tv Klan
