Zbardhen prapaskenat e rritjes së çmimit të ujit për banorët e Tiranës.<br /><br />Gazeta Shqiptarja.com, në numrin e sotëm ngriti pikëpyetje në lidhje me respektimin e afateve nga ana e Bashkisë së Tiranës për dorëzimin e kërkesës tek Enti Rregullator i Ujit. <br /><br />Fill pas kësaj ERRU në një reagim për mediat ka zbardhur hapat e ndjekur për këtë procedurë.<br /> <br />Sipas Entit Rregullator të Ujit, shoqëria Ujësjellës Kanalizime Tiranë ka depozituar kërkesën më datë 30 Qershor 2017 për miratimin e tarifave të reja të shërbimeve të ujësjellës kanalizimeve për konsumatorët në territorin administrativ të Bashkisë Tiranë.<br /> <br />Nëse kjo kërkesë nuk do të ishte dorëzuar para datës 30 qershor, siç e parashikon ligji atëherë vendimi i Këshillit Bashkiak dhe e gjithë procedura do të ishte nul.<br /> <br />Por duket se larg vëmendjes së opinionit publik Bashkia e Tiranës ka dorëzuar kërkesën duke e futur procesin në shinat e ligjit 26 ditë para aprovimit nga Këshilli Bashkiak.
