Ka përfunduar me sukses festivali ndërkombëtar Jazz in Albania në Tiranë.<br /><br />Festivali ka nisur më 18 korrik me shfaqjet në Hotel Rogner dhe udhëtimet muzikore nëpër rrethe të vendit. Ky festival përfundoi mbrëmjen e 26 korrikut, me grupet përfaqësuese të dy shteteve, Zvicrës e Greqisë.<br /> <br />Saksofonisti dhe tenori i njohur zviceran, Thomas Lüthi me pjesëtarët e trios së tij Arne Huber në bas dhe Claudio Strüby në bateri janë ngjitur të parët në skenë.<br /><br />Më pas ngjitet ne skenë duoja greke Dimitris-Patera, që i ka dhënë ngjyra të tjera festivalit të jazz-it, duke kënduar këngë romantike e melodi të vjetra popullore greke në kitarë e buzuq.<br /><br />Dimitris që është një lojtar i famshëm i kitarës e buzuqit në Greqi, dhe këngëtarja Constantina Nantia Patera kanë sjellë në skenë muzikën e kompozitorëve të mëdhenj si Theodorakis, Zambetas e më gjerë, por edhe këngë të njohura greke për publikun shqiptar<br /> <br />Ndërsa edicioni i gjashtë i festivalit Jazz in Albania ka sjellë tema, ngjyra e stile të xhazit nga të gjitha vendet e botës, si rrallëherë në këtë edicion është vënë re një interes i madh i publikut.
