Katër persona u plagosën nga një shpërthim i ndodhur në një restorant, në kompleksin Fishta në Velipojë.<br /><br />Shpërthimi u shkaktua nga rrjedhja e gazit të një depozite, rreth orës 10:30 të paradites.<br /><br />Të plagosurit janë Besnik e Hektor Zejnuni, babë e bir, pronarë të restorantit, pushuesja nga Kosova Saida Spahija dhe një infermiere që u asfiksua teksa po përpiqej t?u jepte ndihmën e parë të dëmtuarve.<br /><br />Dy pronarët janë në gjendje të rëndë dhe u dërguan në qendrën spitalore Universitare në Tiranë për mjekim të specializuar.<br /><br />Të plagosurit e tjerë po trajtohen në Shkodër, ndërsa probleme me asfiksinë shfaqën edhe disa pushues.<br /><br />Inspektoriati Qëndror Teknik njoftoi zyrtarisht se zjarri nisi nga bodrumi i restorantit, nga rrjedhja e gazit nga një çisternë 1 mijë litërshe.<br /><br />Më pas flakët depërtuan në restorant, me shpejtësi.<br /><br />Zjarrfikësve iu desh më shumë se 1 orë për ta vënë zjarrin nën kontroll. Policia ka nisur një hetim nga i cili pritet një rezultat përfundimtar mbi shkaqet e shpërthimit.<br /><br />TV Klan
