BERAT - Një vajzë adoleshente kishte shkuar tek tezja e saj për pushime, por ka rënë pre e dhunës seksuale të burrit të tezes.<br /><br />Ngjarja ka ndodhur në Berat një ditë më parë. R.K, 15-vjeçe, banuese në Berat, ka dëshmuar në praninë e psikologes, sapo është kthyer në shtëpinë e saj, në një tjetër fshat të Beratit.<br /><br />Ajo ka kallëzuar penalisht 54 vjeçarin R.T, banues në Duhanas, se e ka përdhunuar. Akuzat e të miturës janë mohuar nga tezja e saj, bashkëshortja e autorit dhe vajza e tij. <br /><br />"Nuk është e vërtet, akuzat janë shpifje", ka thënë tejza e 15-vjeçares. <br /><br />Ajo shkon edhe më tej kur thotë se vajza duhet të jetë shtyrë për t'i bërë keq familjes së saj, ndonëse pohon se mes dy familjeve nuk ka pasur probleme. <br /><br />"Me familjen e vajzës nuk kemi pasur probleme. Vajzën e kam vajzë vëllai. Atë Mund ta ketë futur dikush. Çupa e vëllait u fut për të na bërë keq", ka thënë më tej ajo. <br /><br />Edhe vajza e autorit të akuzuar ka thënë se është e sigurt se babai i saj nuk e ka bërë një gjë të tillë.
