Fluksi në rritje i udhëtarëve në Portin e Durrësit ka sjellë anomalitë e para.<br /><br />Trageti i Ankonas mbërriti me disa orë vonesë për shkak të një defekti që pësoi në ujerat italiane.<br /><br />I njëjti problem është shfaqur edhe me tragetin e linjës Bari -Durrës.<br /><br />Emigrantet po kthehen në atdhe për të kaluar pushimet verore me familjaret e tyre.<br /><br />Përgjatë 24 orëve të fundit kanë hyrë në vendin tonë afro 11 700 pasagjerë.<br /><br />Për të përballuar fluksin në rritje autoritetet që operojnë në port po punojnë me kapacitet të plotë për të shmangur radhët e gjata.
