Shërbimi i lejeve të qarkullimit të automjeteve do të jepet me koncesion. Burime zyrtare thonë për televizionin Klan se në Ministrinë e Transportit dhe Infrastrukturës ka mbërritur një ofertë e pakërkuar nga një kompani qe kërkon të marrë kontrollin dhe verifikimin e mjeteve përpara regjistrimit dhe më pas lëshimin e lejes për to.<br /><br />Aktualisht ky shërbim sot jepet nga Drejtoria e Transportit Rrugor.<br /><br />Një grup pune në nivel teknik është ngritur për të vlerësuar ofertën. Pjese e grupit është edhe Agjencia e Trajtimit të Koncesioneve.<br /><br />Baza ligjore për dhënien e këtij shërbimi te privati ka nisur që në tetor të vitit 2015-të, ku përmes një vendimi, Këshilli i Ministrave i dha të drejtë Ministrisë së Transportit që të përzgjedhë një firmë private, e cila do të licensohej për të bërë kontrollin përpara regjistrimit të mjetit.<br /><br />Burimet thonë për televizionin Klan se tarifa që firma ka propozuar do të jetë në të njëjtat nivele, ndërsa grupi i punës është drejt finalizimit të vendimit për t?i dhënë një përgjigje ofertës që ka ardhur.<br /><br />E kontaktuar nga Tv Klan, Agjencia e Trajtimit të Koncesioneve tha se është në pritje të vendimit të Ministrisë së Transporteve për hapjen e tenderit, i cili në këtë rast nuk pengohet nga urdhri i kryeministrit për bllokimin e prokurimeve publike, pasi aty nuk përfshihen koncesionet dhe format e tjera të partneritetit publik privat.
