Një 37 ?vjeçar mbeti i vrarë në një atentat në zonën e Lungomares, në Vlorë. Ngjarja ndodhi rreth orës 21:20 minuta.<br /><br />Viktima është Marjen Xhaferaj, alias Marjen Omeri, 37 - vjeç, baba i tre femijëve. Ai gjendej jashtë ambienteve të lokalit të tij kur është qëlluar me të paktën 6 plumba.<br /><br />Dëshmitarë në vendin e ngjarjes thanë se kishin parë dy persona që e goditën me pistoletë nga një distancë e afërt.<br /><br />37 - vjeçari ka mbetur i vdekur në vend, ndërsa autorët janë larguar në këmbë në drejtim të Ujit të Ftohte, ku dyshohet se i ka pritur një makinë që i ka larguar jashtë qytetit.<br /><br />Burime të Policisë së Vlorës thone se krimi mund të ketë lidhje me një ngjarje të ndodhur dy vjet më parë në afërsi të portit të Durrësit, ku ka mbetur i vrarë nipi i Omerit.<br /><br />Por nuk përjashtohen as pistat e tjera që mund të kenë lidhje me konflikte të kohëve të fundit apo me të shkuarën e viktimës.<br /><br />Policia ngriti postblloqe në hyrje dhe dalje të qytetit, ndërsa forcat e ndërhyrjës së shpejtë dhe efektivë të policisë kriminale kanë nisur kontrollet në zonat ku dyshohet se janë fshehur autorët. TV KLAN
