Dhënia e lejeve të qarkullimit për makinat mund të jepet me koncesion.<br /><br />Burime zyrtare pranë ministrisë së Transporteve thanë për Report TV se kjo ministri po shqyrton një ofertë të ardhur nga një kompani gjermane, e cila kërkon që të administrojë këtë shërbim që deri tani jepet nga Drejtoria e Transportit Rrugor. <br /><br />Kompania gjermane i është ofruar vetë shtetit shqiptar dhe shpreh interesin për të administruar procesin e dhënies së lejeve të qarkullimit. <br /><br />Kjo do të thotë se, një person kur blen një makinë dhe kërkon nxjerrjen e lejes së qarkullimit, nuk do të shkojë më Pranë Drejtorisë së Transporteve, por tek zyra rajonale e kësaj kompanie koncesionare.<br /><br />Kjo kompani, kundrejt pagesës do të orfojë këtë shërbim që deri më tani qytetarët e merrnin në sportelet shtetërore.
