Ali Kopliku është personi që dhunoi pak ditë më parë mjekun kirurg të spitalit të Shkodrës, Besmir Grizhaj. <br /><br />Ai vijon të jetë në kërkim nga policia, ndërsa nga arratia ka folur ekskluzivisht për Report TV. Kopliku është shprehur se është konfliktuar me mjekun pasi nuk i ka dhënë mjekim të afërmit të tij të shtruar në spital.<br /><br />Autori i dyshuar thekson gjithashtu se i është dashur të vetëmbrohet pasi ka qenë mjeku Grizhaj ai i cili e ka qëlluar i pari.<br /><br />"Mjeku kirurg nuk më dha mjekimin, s'më dha recetën. Më mori në telefon dhe më ka ofenduar. <br /><br />Jam takuar me mjekun te dera e spitalit pasi më thirri ai, më pas më qëlloi dhe unë u vetmbrojta. E qëllova për vetmbrojtje mjeku", thotë ai.
