Një djalë i ri vetëm 22 - vjeç u vra me thikë të hënën në mbrëmje rreth orës 23:30, në afërsi të stadiumit "Dinamo".<br /><br />Viktima Marvi Mihali ndërroi jetë pasi Eugen Bitraj e goditi atë më thikë.<br />Policia thotë se gjithçka ndodhi pas "një konflikti të çastit". Shkak dyshohet të jetë bërë një konflik banal, për një karikues telefoni.<br /><br />Sipas policisë, fillimisht sherri ka nisur mes viktimës Mihali dhe 19 - vjeçarit Dejvi Bitraj.<br /><br />Për t'i ardhur në ndihmë, ky i fundit ka thërritur kushëririn e tij Eugen Bitraj (autori i vrasjes).<br />24 - vjeçari nuk ka shkuar vetëm, por shoqërohej nga 19 - vjeçari Kridens Alla dhe 23 - vjeçari Marsel Alla.<br /><br />Eugen Bitraj ka qenë ai që gjatë konfliktit ka nxjerrë thikën që kishte me vete dhe ka goditur të riun Mihali. 22 - vjeçari u dërgua në gjendje të rëndë në spital ku ndërroi jetë.<br /><br />Ndërsa policia arriti të arrestonte 24 - vjeçarin Bitraj, si dhe bashkëpunëtorët e tij. Tashmë të katërt këta të rinj do të duhet të përballen me akuzën e vrasjes me dashje, në bashkëpunim.<br /><br />Ndërkohë gjatë paradites policia ushtroi kontrolle në lumin e Lanës për të gjetur armën e krimit./tvklan.al
