26.4 milion lekë është dëmi ekonomik që i është shkaktuar buxhetit të shtetit nga spitali psikiatrik i Vlorës ?Ali Mihali?. Shifra u nxor pas auditimeve të kryera nga Kontrolli i Lartë i Shtetit për periudhën 1 janar 2014 deri në 28 shkurt 2017.<br /><br />Raporti vëren se nga 75 procedura me negocim pa shpallje paraprake të kontratës se tenderave, në 43 prej tyre, Autoriteti Kontraktues nuk ka vërtetuar nevojën e kryerjes së këtyre procedurave.<br /><br />Tenderat në të cilat vërehet dëm ekonomik është ai për shërbimin e lavanderisë në vlerën e rreth 4 milion lekëve për vitin e parë të kontratës, e që pritej të shkonte në 11,755,860 lekë për 3 vitet e tjera të kontratës.<br /><br />Shkelje dhe abuzime KLSH-ja ka konstatuar edhe në prokurimin ?Shërbime për pastrim të ambienteve të brendshme dhe të jashtme në vlerën e rreth 5 milion lekëve, ndërsa sqaron se dëmi I pritshëm nga kjo kontratë 38 muajt në vijim është rreth 19 milion lekë.<br /><br /> KLSH-ja vëren se për procedurën e prokurimit ?Evadimi i mbetjeve urbane të Spitalit? kompania private është paguar dy herë duke shkaktuar një dëm në vlerën e rreth 14 milion lekëve.<br /><br />Për të gjitha shkeljet KLSH-ja ka kallëzuar penalisht Drejtorin e Spitalit Psikiatrik të Vlorës me akuzën e ?Shpërdorimit të detyrës?, dhe i ka propozuar Ministrit të Shëndetësisë largimin e tij nga detyra.<br /><br />Tv Klan
