Të favorizuara nga temperaturat ekstreme flakët po shtrijnë gjithmonë e më shumë pushtetin e tyre.<br /><br />Emergjencat Civile raportojnë për 25 vatra zjarri të aktivizuara në 24 orët e fundit, në qarqet Tiranë, Vlorë, Dibër, Elbasan dhe Berat.<br /><br />Më kritike situata mbetet në qarkun e Vlorës, ku numërohen 20 vatra zjarri aktive.<br /><br />Një helikopter ka shkuar në Parkun Kombëtar të Llogarasë dhe vijon punën, pasi situata duhet mbajtur nën kontroll që zjarri mos të përfshijë Parkun Kombëtar.<br /><br />3 vatra zjarri janë në segmentin rrugor Orikum-Llogara-Himarë, konkretisht 1 në fshatin Dukat, 1 në Parkun Kombëtar të Llogarasë, 1 sipër fshatit Palasë dhe pjesa tjetër në fshatrat e Lumit të Vlorës.<br /><br />Sipas emergjencave, zjarret janë në terrene të thyera malore dhe ndërhyrja e zjarrefikesve eshte e pamundur.<br /><br />Nisur nga ky fakt Qendra Kombëtare Operacionale dhe Drejtoria e Përgjithshme e Emergjencave Civile ka kërkuar ndihmën e strukturave homologe të Bashkimit Europian për të shuar flakët në qarkun e Vlorës.<br /><br />Në Krastë të Elbasanit, Emergjencat Civile thonë se kanë vënë nën kontroll flakët në pjesën e zonave të banuara ndërsa po punohet për shuarjen e plotë të tyre.<br /><br />Flakët u riaktivizuarn sërish edhe në shkallën e Tujanit në Malin e Dajtit, por pas ndërhyrjes zjarri është vënë nën kontrroll.<br /><br />E pamundur ka qenë shuarja e flakëve edhe në vendin e quajtur ?Gura e Sllatinës? në Peshkopi dhe vatrat e zjarrit janë ende aktive.<br /><br />Për të përballuar këtë situatë kritike nga zjarret, Shqipëria ka kërkuar ndihmë edhe nga vendet fqinje, Greqia dhe Itali do të sjellin në mbeshtetje të Emergjencave Civile 3 avion zjarrfikës në orët në vijim.<br /><br />Tv Klan
