Një email nga Kuvendi i Shqipërisë iu ka ndërprerë pushimet deputetëve.<br /><br />Nuk bëhet fjalë për ndonjë situatë të jashtëzakonshme, por për një kërkesë nga zyra e financës e cila iu kërkon deputetëve, në përfundim të legjislaturës së tetë, të bëjnë dorëzimet. <br /><br />Report TV ka siguruar këtë email, ku deputetëve iu kërkohet të dorëzojnë në Kuvend një laptop që kanë marrë në përdorim në fillim të mandatit të tyre në vitin 2013. <br /><br />Emaili i Kuvendit drejtuar deputetëve<br />?Të nderuar deputetë, <br />Na lejoni që të sjellim në vëmendjen tuaj se gjatë legjislaturës së VIII-të, ju jeni pajisur me laptop nga Kuvendi i SHqipërisë, për të cilin keni firmosur kartelën përkatëse të marrjes në dorëzim pranë shërbimit të Financës së Kuvendit. <br /><br />Për sa më sipër, lutemi në mirëkuptimin tuaj, për dorëzimin e tyre pranë shërbimit të financës, duke qenë se përfunduan punimet e legjislaturës së 8-të?<br />-thuhet në email-in e Kuvendit për deputetët.
