LUSHNJE - Përfshihet nga flakët një sipërfaqe me ullishte dhe pisha të buta në kodrat pranë Manastirit të Ardenicës, në Lushnje. <br /><br />Rreth 6 ha ullishte dhe pisha janë shkrumbuar në pak orë pas rënies së zjarrit. Shkak dyshohet të ketë qenë një shkëndijë elektrike në një dru pishe, çka ka shktuar edhe flakët masive. <br /><br />Për të vënë zjarrin nën kontroll janë angazhuar forcat zjarrfikëse të Lushnjes, të ndihmuara edhe nga dy zjarrfikëse të tjera të ardhura nga qyteti i Fierit dhe Patosit.<br /><br />Edhe banorët e zonës janë mobilizuar për të ndihmuar zjarrfikësit në lokalizimin e vatrave. <br /><br />Zjarri vazhdon të përhapet me shpejtësi, ndërsa mësohet se ka dalë jashtë kontrollit, duke kaluar në fshatin Vajkan të Fierit. <br /><br />Edhe pse flakët janë intensive, nuk rrezikohen shtëpitë, por drejtuesit vendorë kanë kërkuar ndihmë nga Tirana për ndërhyrje të specializuar. <br /><br />Shërbimi zjarrfikës është angazhuar për të neutralizuar zjarrin i cili ka shkaktuar djegien e dhjetëra drurëve ullinj dhe pisha të buta.
