Prej një jave po luftohet me flakët në disa vatra zjarri të shfaqura në pyjet e Matit. Ndonëse të Premten u prit të ndërhyhej nga ajri me helikopter, kjo nuk ndodhi pasi ai ishte i angazhuar në fikjen e zjarreve në zona të tjera të Shqipërisë.<br /><br />Vatra më problematike mbetet ajo në fshatin Madhesh në njësinë administrative Ulëz, ku rrezikohen dhe disa stane Punonjësit e Drejtorisë së Bujqësisë, Pyjeve dhe Menaxhimit të Tokës në Bashkinë Mat ishin edhe gjatë kësaj të shtune për të neutralizuar flakët por e kanë patur të pamundur pasi vatra është tepër e madhe.<br /><br />Drejtues të kësaj drejtorie thanë se sipërfaqja e përshkuar nga flakët ka shkuar më shumë se 30 hektar dhe se ndihmohet nga era për tu përhapur.<br /><br />Po ashtu, planifikimi për të ndërhyrë nga ajri ka dështuar sërish pasi emergjencat civile në Tiranë kanë njoftuar për avari në mjetin fluturues.<br /><br />Problem vazhdon të jete edhe vatra e zjarrit në malin e fshatit Frankth në njësinë administrative Komsi.
