Policia e Tiranës ka arrestuar autorët e atentatit të ndodhur në kryqëzimin e Komunës së Parisit mbrëmjen e së enjtes, ku mbeti i plagosur Mariglen Hoxha, i njohur edhe me emrin Lorenc. <br /><br />Blutë kanë publikuar pamjet filmike të marra nga një kamera sigurie, që kanë fiksuar momentin kur u qëllua 25 vjeçari nga Bulqiza.<br /><br />Në video duken 3 nga 4 të arrestuarit që zbresin nga mjeti i tyre, një BMW X5 dhe i afohen një makinë Mercedes Benz me ngjyrë të bardhë, të ndaluar në semaforin e rrugës "Sulejman Delvina".<br /><br />Objektivi është në timonin e Mercedesit.<br /><br />Dejvis Rrustemaj, 27 vjeç, personi që kreu plagosjen, zbret i dyti nga makina e zezë, BMW dhe i afrohet 24-vjeçari Hoxha, i cili është në timon në mjetin e bardhë.<br /><br />Në pamje duken edhe dy persona të tjerë, të cilët janë Klajdi Kodra, 27 vjeç dhe Igler Qose, 26 vjeç.<br /><br />I arrestuari i katërt, Ardit Xhaferri dyshohet se ka qënë në timonin e makinës së autorëve. <br /><br />Kodra hap derën e pasagjerit për të shpërqendruar Hoxhajn, i cili në makinë ndodhej me një tjetër person.<br /><br />Sapo Rustemaj qëllon, Lorenc Hoxha i jep gaz makinës. Godet MBW ?në e autorëve dhe një makinë tjetër që ka përpara dhe largohet me shpejtësi.<br /><br />Ndërsa largohen në drejtim të rrugës "Komuna e Parisit", siç shihet në një tjeter video të publikuar dy ditë më parë, e cila është xhiruar nga një makinë e cila ndodhej pas autorëve.<br /><br />Policia arriti t?i identifikojë falë dëshmisë se të plagosurit dhe mikut të tij, si dhe nga pamjet e kamerave të sigurisë, të vendosura në një shtyllë pranë semaforit.<br /><br />Ata u arrestuan në zona të ndryshme të Tiranës. Motivi i krimit mësohet se është një konflikt banal i ndodhur mes tyre disa ditë më parë në kryeqytet.<br /><br />Dy nga katër të arrestuarit janë emra të njohur për policinë e Tiranës, pasi janë persona me precedentë penalë të theksuar.<br /><br />Tv Klan
