Humbja e jetës në plazhe po merr përmasa të frikshme në vendin tonë.<br /><br />Dy pushues, në Ksamil dhe Durrës raportohen nga policia se kanë humbur jetën brenda një harku kohor prej 24 orësh.<br /><br />Një pushues polak në Ksamil dyshohet se ka pësuar arrest kardiak si shkak i temperaturave të larta, ndërsa në Durrës një 52 vjeçar nga Tirana ka pësuar goditje në zemër sapo ka rënë në kontakt me ujin.<br /><br />Turisti polak, që ndodhej ndodhej me pushime në brigjet e Ksamilit ka pasur probleme të mëparshme shëndetësore.<br /><br />Ditën e djeshme 66-vjeçari me inicialet F.S është shoqëruar nga familjarët në qendrën shëndetësore, prej aty drejt spitalit Rajonal të Sarandës.<br /><br />Sipas policisë, edhe pse atij i është dhënë ndihma e parë nuk ka qenë e mundur të mbahej në jetë.
