Situata e zjarreve në vend vijon të jetë kritike, ndërsa regjistrohen akoma vatra të reja.<br /><br />Pasdite e sotme flakët kanë përfshirë disa shkurre shumë pranë tunelit Tiranë-Elbasan në malin e Kërrabës.<br /><br />Shkaqet e zjarrit nuk janë bërë ende të ditura, ndërsa mësohet se për fat të mirë nuk ndodhen shtëpi afër.<br /><br />Shuarja e flakëve nga toka është e pamundur për shkak të mungesës së infrastrukturës, ndërsa shihet si e vetmja zgjidhje ndërhyrja nga ajri.<br /><br />Ndërsa gjatë 24 orëve të fundit në të gjithë vendin janë shënuar 7 vatra zjarri në disa qarqe të vendit.<br /> <br />Në operacione për shuarjen e zjarreve janë angazhuar 84 punonjës zjarrfikës, 17 automjete zjarrfikëse, 90 personel nga Forcat të Armatosura të Ushtrisë, punonjës vullnetarë, të Pyjores dhe nga Drejtoria e Zonave të Mbrojtura, etj, të mbështetur dhe nga helikopterë.<br /> <br />Përveç helikopterëve, në ndihmë janë edhe dy avionë të vegjël nga shteti grek, të anazhuar për shuarjen e zjarreve në Llogara.
