Vatra e zjarrit në Njësinë Adminstrative Ulëz të Bashkisë Mat, e aktivizuar disa ditë më parë, i është afruar një shtëpie në fshatin Trodhen. <br /><br />Alarmi është dhënë nga vetë familjarët të cilët kanë deklaruar se zjarri ndodhet vetëm pak metra larg banesës së tyre.<br /><br />Kryefamiljari Tanush Sefgjini është shprehur se familjes pesë anëtarëshe, flakët u kanë shkaktuar dëmet e para, pasi për shkak të zjarrit kanë humbur disa gjedhë. <br /><br />Mësohet gjithashtu se një i mitur ka pasur probleme me frymëmarrjen për shkak të tymit të shkaktuar nga zjarri. <br /><br />Ndërhyrja e shërbimit zjarrfikës duket mision i pamundur për shkak të terrenit të thyer malor, ndërsa zgjidhja shihet vetëm nga ajri. <br /><br />Kryefamiljari Tanush Sefgjini: 80% jemi të mbaruar, zjarri nuk ndalet<br />Kryefamiljari Tanush Sefgjini ka deklaruar për Report Tv se banesa e tyre është thuajse e djegur nga zjarri i madh që ka përfshirë kodrat me pyje pisha pranë shtëpisë së tij. <br /><br />Ai thotë se është e vështirë mbajtja në kontroll e flakëve, pasi pranë banesëes ndodhet një pyll me pisha çka favorizon përhapjen e flakëve.<br /><br />"80% jemi të djegur me shtëpi e çfarë kemi. Pranë shtëpisë është një kurorë me pisha dhe zjarri është i vështirë të ndalohet. Është vetëm pak metra larg shtëpisë". <br /><br />Z.Sefgjini cila është situata e fundit nga zjarri në Ulëz ku edhe rrezikohet banesa juaj?<br />80% jemi të djegur me shtëpi e çfarë kemi. Pranë shtëpisë është një kurorë me pisha dhe zjarri është i vështirë të ndalohet. Është vetëm pak metra larg shtëpisë. <br /><br />A ka ardhur ndonjë ndihmë nga shërbimi i emergjencave civile?<br />Jo, asnjë. Zjarri ka disa ditë. Sot ka ardhur një përfaqësues nga Njësia Administrative Ulëz, por çfarë do bëjë ai. Kemi pak shpresa që të shpëtojmë shtëpinë.
